Pudato Bahasa Madura

Assalamualaikum Wr. Wb.

Bismillahirrohmanirrohim

Alhamdulilahirobbil alamin

Wabihi nastain ala umuriddinya waddiin wassalatu wassalamu ala asrofi ambiya wal mursalin sayyidhina Muhammadin waala alihi wasohbihi ajmain amma ba’dhu

Kaator dha’ se molja bapa Kepala Sekola SMPN 2

Kaator dha’ se molja bapa-bapa sareng ebu-ebu se badhan kaule amoljaagi, jugen dha’ ca-kanca se badhan kaule anyennengagi.

Langkong dhimen ngereng areng-sareng aghi sokkor dha’ ajunan epon Allah Subhanahu wataala se ka’dhimma neng are mangken ka’dhinto bapa-bapa sareng ebu-ebu jugan ca-kanca  padha agi-panggi dhalem kabadhaan sehat tor slamet.

Slawet sareng salam etojjuwagi dha’ junjungan kita Nabi Besar Muhammad SAW se ampon apareng pamerrang dhari alam kagellabhan nojju dha’ alam se ampon terrang benderang enggi ka’dinto Islam sareng Iman, moga-moga bapa-bapa sareng ebu-ebu jugan ca-kanca kengengnga safaad epon beliau kantos eyare aher amin ya robbal alamin.

Bapa-bapa sareng ebu-ebu jugan dha’ ca-kanca se badhan kaula amoljaagi !

Kaula menangka bekkel dhari ca-kanca sadhaja korang lebbi tello tahon abidha se ampon abina, edidik sareng bapa-bapa jugen sareng ebu-ebu tanto epon selama akompol asettong bakto agadhui kasalaan, kahelafan, pramelaepon kasempadhan neng are mangken ka’dhinto nyo’onna sapora seraja-rajana, ban moga-moga ru-guru bisa nyaporaagi kaula sareng ca-kanca sadhaja. Amien…. ya robbal alamin.

Jugan nyo’on barokah doa epon bapa’ sareng dha’ ebu moga-moga kaula sakanca’an dhalem melangkah dha’ sakola’an se lebbi tegghi kengengnga sakola’an se sesuai sareng kemauna bhadhan kaula sareng ca-kanca sadhaja. Amin ya robbal alamin.

Coma ka dhinto bisaos parjuga ajunan sapora saraja-rajana, akhir kalam Wabillahi taufik wal hidayah.

Wassalamualaikum Wr. Wb.